Kung hindi ka pa nananampalataya kay Jesu-Cristo at nais mong matuklasan ang katotohanan, para sa iyo ang aklat na ito. Katulad mo si Benny sa kanyang mga pagtatanong:
"Ang lahat ba ng relihiyon ay patungo sa iisang Diyos?" "Paano ako makatitiyak na Diyos nga si Jesus?"
Kung bagong mananampalataya ka ni Jesu-Cristo, at gusto mong lumago sa iyong buhay espirituwal, para sa iyo ang aklat na ito. Matututunan mo kung paano makikilala ang Diyos, paano iibigin ang Diyos, paano ipapakita ang pag-ibig sa Diyos sa pag-ibig mo sa iyong kapwa, at kung paano makakapamuhay nang matagumpay sa Diyos.
Kung matagal ka nang mananampalataya, matagal ka nang pumupunta sa iglesya ngunit nararamdaman mong hindi mo nararanasan ang ganap na buhay kay Jesu-Cristo, para sa iyo ang aklat na ito. Ang katulad mo'y si Alfred.
Kung matatag ka nang Cristiano at nais mong makatulong sa iba upang sila'y maging disipulo rin ni Jesu-Cristo, para sa iyo ang aklat na ito. Katulad mo si Jerry habang sinasagot ang mga tanong nina Alfred, Benny, Carl, Diana, at Esther, at kung paano niya pinangungunahan ang grupo tungo sa pagiging matatag na tagasunod ni Jesu-Cristo
