Description:
Wala nang mas mahalaga pa kaysa sa pakikinig, pag-unawa, at pagsunod sa Salita ng Diyos. Nakasalalay dito ang ating mga buhay at mga lokal na iglesya para manatiling buhay, malakas, at lumalago.
Kilala si John Stott sa buong mundo para sa kanyang paninindigan sa Biblia, na makikita sa kanyang pangangaral at pamumuhay. Sa mapanghikayat na librong ito, ipinapakita ni Stott ang kapangyarihan, awtoridad, at kaugnayan ng Biblia sa buhay ng bawat Cristiano -— para sa bawat kultura at bawat henerasyon.
• Ano ang layunin ng Salita ng Diyos?
• Paano tayo itinuturo nito kay Cristo?
• Ano ang relasyon nito sa Banal na Espiritu?
• Paano nito hinuhubog ang iglesya?
• Ano ang ibig sabihin nito para sa pagdidisipulong-Cristiano?
Sinasagot ng may-akda ang mga tanong na ito sa simple at malinaw na paraan.
Inuudyok tayo nitong makinig at sumunod sa Salita ng Diyos sa mundo ngayon.
Si JOHN STOTT ay kilala sa buong mundo bilang isang mangangaral, tagapahayag ng ebanghelyo, at manunulat. Siya ang punong arkitekto ng The Lausanne Covenant
(1974) at tagapagtatag ng Langham Partnership na naglalayon na magturo at magpatatag sa bagong henerasyon ng tagapagturo ng Biblia sa buong mundo.