Description:
**This book is served via Print-on-Demand.
Printing of the book could be in a maximum of two weeks, depending on the number of copies ordered**
Published for Ethnos360
by OMF Literature Inc.
Kung walang epektibong pagtuturo sa mga hindi pa ligtas upang sumampalataya sila kay Cristo, walang epektibong iglesya o kalipunan ng mga mananampalataya kay Cristo. Sa Volume 2 na ito ng Pagtatayo sa Matatag na Pundasyon (Building on Firm Foundations), nagbibigay si Trevor McIlwain ng isang detalyadong manwal para sa pagtuturo sa mga hindi pa ligtas na iba ang wika at kultura sa tagapagturo sa layuning magtatag ng iglesya o kalipunan ng mga mananampalataya kay Cristo.
Hindi para sa mga taong naghahanap ng mabilis, madali at maiksing pakikisalamuha sa tao ang paraang ito ng pagtuturo sa mga hindi pa ligtas. Isinulat ito ni Trevor para sa mga taong seryoso sa pagtuturo sa mga hindi pa ligtas upang sumampalataya sila kay Cristo at seryoso sa pagtatatag ng iglesya. Nagbibigay siya ng isang paraan ng pagtuturo na Biblikal at maingat na dinidetalye ang Mabuting Balita ng Kagandahang-loob ng Diyos bilang tanging kaloob ng Diyos para sa kaligtasan.
Itinuro sa mga aralin sa volume na ito ang kwento ng panunubos ng Diyos simula sa Genesis hanggang sa pagbabalik ni Cristo sa Langit.
Sa pamamagitan ng mga araling ito, malinaw na mauunawaan ng mga tagapakinig:
- ang Pagka-Diyos ng Diyos at ang mga katangian Niya
- na makasalanan sila, hindi nila kayang iligtas ang kanilang mga sarili, at wala silang pag-asa
- na sapat na ang ginawa ni Cristo sa pamamagitan ng Kanyang pagkamatay, pagkalibing at pagkabuhay na muli para maligtas sila
Sa Kamaynilaan man o sa mga kabundukan ng Mindanao nagtuturo ang isang tao, inilalatag ng mga araling ito ang matatag na pundasyon para sa nakapagliligtas na pananampalataya kay Cristo.